Zer da

Parte hartu

Lanak aurkezteko epea amaitu da. Eskerrik asko parte hartzaile guztiei!

Zer da

Sortu zure istorioa! LH5-DBH4 bitarteko gaztea zara?  

Sormenarekin eta bideogintzarekin istorioak kontatzeko hamaika modu dituzu. ARNASETIK! lehiaketa bat da, baina hori baino askoz gehiago da…  lagunekin, ikaskideekin edo zure kabuz sortzeko aukera da, esperientziak dira eta ikasteko parada da…

Arnasetik bideo sormen lehiaketa da, euskararen arnasguneak osatzen dituzten udalerrietako gazteei zuzendua (LH-5etik DBH- 4ra).

Zalantzak: arnasagara@gmail.com

SARIAK

2.000 euro egongo dira 4 kategorietan banatuta. Kategoria bakoitzak 500 euroko sari baliokidea izango du.

  • LH 5-6  kategoriako lanik  onena (500 euroko sari baliokidea).
  • DBH 1-2 kategoriako lanik  onena  (500 euroko sari baliokidea).
  • DBH 3-4  kategoriako lanik  onena (500 euroko sari baliokidea).
  • Publikoaren saria (500 euroko sari baliokidea).

500 euroko sari baliokide bakoitza IrisarriLand-en, Durangoko Azokan edo EITB-ko Goazen! eta Irabazi arte! telesailen merchandising-ean trukatu ahal izango da.

EPEA

Lanak aurkezteko azken epea: urriak 24

Oinarriak

Arnasetik bideo sormen lehiaketa da, euskararen arnasguneak osatzen dituzten udalerrietako gazteei zuzendua (LH-5etik DBH- 4ra). Eusko Jaurlaritzak, Nafarroako Gobernuak eta UEMAk sustatutako ekimena da, eta udalerri euskaldunetako gazteen hizkuntza ohituren inguruan gogoeta piztu nahi du. Gaur egungo gazteen komunikazio-hizkuntzara eta teknologia berrietara egokitutako lehiaketa da, eta teknika, tratamendu, genero, sorkuntza prozesu eta gai desberdinak landuko dira. Hala, euskaraz ekoiztutako ikus-entzunezko piezen eta sormen lanen erakusleiho bihurtuko da Arnasetik.

Gazteen etorkizunerako begirada sortzaileak pizteko asmoarekin, lehiaketan modu ezberdinetan parte-hartzeko aukera egongo da eta kategoria ezberdinetako sariak egongo dira. Horrek esan nahi du banaka, talde lanean edo-eta eskolartekoan jorratu daitezkeela lanak.

Kategoriak

Adinaren arabera sailkatutako hiru kategoria daude eta kategoria bakoitzak aurkeztu beharreko lanak ezberdinak izango dira.

ARNASETIK LH 5-6: Tokiko promozioa

Azaldu formatu librean (marrazki, olerki, bertso, bideo, abesti…) zuen herria nolakoa den, zer egin daitekeen bertan eta, garrantzitsuena, zergatik den egokia euskara maila hobetzeko.

Formatuak:

  • Irudia/testua PDF formatuan
  • Audioa MP3 formatuan
  • Bideoa MP4 formatuan

ARNASETIK DBH 1-2: Tokiko esamoldeak

Zuen herriko esamolde berezienak eta beraien esanahia azaldu umorezko bideo batean.

ARNASETIK DBH 3-4: Euskal kultura

Nahia Silleroren bideoa ikusita bideo bat sortu modu originalean euskal kultura, musika eta ekimenak balioan jarriz. Zein plan egingo zenukete?

Parte hartu

Lanak Wetransfer ala antzeko Interneteko bidalketa tresna bitartez helarazi beharko dira hurrengo helbidera, adierazitako epean: arnasagara@gmail.com. Mezuan zehaztu beharko dira lanaren izenburua, taldeko parte-hartzaileen izenak eta kontakturako telefono bat. Artxiboek 2GB baino gutxiagoko tamaina izan beharko dute.

2. Ondorengo formularioa bete: